Hvað er sjálfsmynd?

Sjálfsmynd (Self – image) er veigamikill þáttur í andlegri líðan, þar sem hún hefur áhrif á það hvernig við hugsum, tölum og hegðum okkur. Sjálfsmynd er sú skoðun eða sýn sem við höfum af okkur sjálfum. Oft er talað um sjálfstraust, en sá sem hefur gott sjálfstraust hefur góða trú á sjálfum sér og hæfileikum sínum. Sá sem er með lítið sjálfstraust hefur oftar en aðrir neikvæða hugmynd um sjálfan sig.

Þeir sem eru með góða sjálfsmynd eru líklegri til að hafa raunsæja sýn og þekkingu á sjálfa sig en þeir sem eru með slæma sjálfsmynd . Einnig hafa rannsóknir sýnt að þeir sem eru með gott sjálfstraust ná oft betri árangri í því sem þeir taka sér fyrir hendur, ekki vegna þess að þeir séu hæfari, heldur vegna þeirra trúar sem þeir hafa á sjálfa sig. Einstaklingar með lítið sjálfstraust eiga það til að vanmeta hæfni sína og forðast því að takast á við krefjandi verkefni. Með því að forðast verkefni eða krefjandi aðstæður nær fólk síður að styrkja færni sína og hæfni.

Talið er að sjálfsmynd mótist að mestu í gegnum reynslu og samskipti við aðra og sé því ekki meðfædd. Hún felur í sér bæði sýnileg atriði eins og hæð, þyngd, hárlit og ekki sýnileg, eins og lífsreynslu. Sjálfsmynd tengist einnig því hvernig við tölum við okkur sjálf. Neikvætt sjálfstal ýtir undir vanlíðan og minnkar líkur á því að við treystum okkur til að framkvæma hitt og þetta og prófa eitthvað nýtt. Dæmi um þetta gæti verið á þá leið að drengur með lítið sjálfstraust þorir ekki að taka þátt í áheyrnarprufu fyrir skólaleikrit þar sem hann er viss um að hann kunni ekki leiklist og fái því aldrei hlutverk í leikritinu.

Fólk með lítið sjálfstraust á það einnig til að túlka hluti eða atburði á verri veg en aðrir. Til dæmis eru þeir sem eru með lítið sjálfstraust líklegri en aðrir til að túlka hrós neikvætt og hugsa: “hann er bara að reyna að vera vingjarnlegur” eða “hver sem er hefði nú getað skorað þetta mark“.

Hegðun okkar og hugsun geta því haft áhrif á sjálfstraust okkar og jafnvel látið okkur líða verr en ella. En hægt er að bæta sjálfstraustið með því að vinna í hugsunum og hegðun. Reyna að stöðva neikvætt sjálfstal, hugsa meira jákvætt og ganga lengra en maður þorir. Ekki láta neikvætt sjálfstal stöðva sig! Drengurinn sem hafði áhuga á leiklistinni hefði t.d. geta látið á leikhæfileika sína reyna og jafnvel fengið hlutverk.  En leiklistarhæfileikar hans eru enn huldir þar sem hann lét aldrei á þá reyna. Hann gefur því sjálfum sér ekki tækifæri til að sjá hvort hann sé raunverulega betri leikari en hann heldur. Það hefði eflaust bætt sjálfstraust hans að láta til skara skríða, en í stað lét hann neikvæðar hugsanir stöðva sig.

Mikilvægt er  að hafa í huga að sjálfsmynd er hugmynd en ekki staðreynd og þarf því engan vegin að endurspegla það sem öðrum finnst um okkur!!!

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s