Vinfús – Skemmtilegt hópastarf í Hinu Húsinu

Vinfús er hópastarf fyrir ungmenni á aldrinum 16-25 ára í Hinu Húsinu. Starfið er hugsað fyrir alla einstaklinga sem vilja kynnast nýju fólki og einnig þá sem hafa einangrast í skóla eða í öðrum félagslegum aðstæðum. Starfið gengur út á að skapa heilbrigðan grundvöll fyrir afþreyingu og skemmtanir.
Margir sérfræðingar telja að félagsleg einangrun stafi af einhvers konar skorti á þjálfun í félagslegum samskiptum og því er einlífið oft vítahringur sem getur reynst mörgum erfitt að komast út úr. Þessum vítahring fylgir oft annars konar vandkvæði s.s. þunglyndi og streita. Markmið okkar er að reyna að hjálpa einstaklingum að komast út úr þessum vítahring með því að skemmta okkur saman og byggja upp innri vináttutengsl við hvort annað. Hópastarfið er því fyrst og fremst á léttum og jákvæðum nótum en slíkt starf hefur gefið jákvæða reynslu bæði hér heima og víðar.

Hópurinn hittist vikulega í Hinu Húsinu og starfsemin fer bæði fram innan- og utan húss. Dagskráin er skipulögð af starfsmönnum okkar í samstarfi við krakkana í hópnum. Hópstjórar  hafa bæði mikla reynslu og þekkingu á því að starfa með ungu fólki.

Markmið:

1. Þjálfa upp félagsfærni og hæfni í mannlegum samskiptum með því að styrkja jákvæða hegðun og draga úr neikvæðri hegðun. Við ætlum að ýta undir sterkari sjálfsmynd og ýta undir jákvæða sýn á lífið með leikjum og hrósi.

2. Stuðla að innri tengslum einstaklinga innan hópsins sem vonandi gefa af sér framtíðar vináttubönd. Gefa ungmennum tækifæri og grundvöll til að umgangast hvort annað á jákvæðum nótum.

3. Veita ungmennum krydd í lífið og tilveruna, eitthvað til að hlakka til í hverri viku.

Sjá hér: http://hitthusid.is/desktopdefault.aspx/tabid-572/1447_view-1009/

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s