Fjársjóðsleitin – Leið til að bæta sjálfsmyndina og styrkja sjálfstraustið

 

Árið 2010 hófst verkefni ætlað drengjum á aldrinum 7-10 ára sem nefnist Fjársjóðsleitin. Markmiðið með verkefninu var að ná betur til drengja í ráðgjöf innan skólakerfisins. Reynsla margra námsráðgjafa innan veggja grunnskólanna var á þá leið að stúlkur leituðu meira í ráðgjöf en drengir og minna efni var til sem hentaði drengjum.

Hugmyndin með Fjársjóðsleitinni er að efla og bæta sjálfsmynd barna þar sem þemað er á þá leið að  börnin eru í leit að eigin styrkleikum eða fjársjóði. Börnin leika eins konar sjóræningja (góða sjóræningja að sjálfsögðu) og leita að fjársjóði bæði beint og óbeint.

Fjársjóðsleitar verkefnið stækkkaði og árið 2014 var gefin út handbók fyrir starfsfólk skóla sem hefur áhuga á að styðjast við Fjársjóðsleitina. Fjársjóðsleitin er í dag kennd sem nokkurra tíma námskeið þar sem lögð er áhersla á líðan, hegðun og sjálfsmynd. Verkefnin og hugmyndafræðin á námskeiðinu kemur úr hugrænni og atferlislegri nálgun í sálfræði/ráðgjöf. Unnið er að því að efla þekkingu barnanna á eigin sjálfsmynd og  kostum, unnið er með neikvæðar hugsanir, stigið er út fyrir þægindarammann og þjálfuð er ný hegðun með markmiðssetningu. Verkefnin koma úr ýmsum áttum og flest eru þau í anda hugrænnar atferlisfræði. Verkefni úr bókum Dr. Melanie Fennell hjá Oxford Háskóla í Bretlandi eru nýtt sem og önnur tæki og tól sem þekkt eru úr sálfræði og námsráðgjöf.

Þann 25. janúar geta fagaðilar sem hafa áhuga á að kynnast námskeiðinu tekið þátt á leiðbeinendanámskeiði Fjársjóðsleitarinnar og fengið í kjölfarið handbók fyrir fagfólk. Skráning fer fram hér: www.klifid.is

Einnig er hægt að eignast verkefnabók fyrir fagfólk og foreldra. Verkefnabókin er ætluð börnum og unglinum og byggir á Fjársjóðsleitinni. Til að eignast verkefanbókina er best að hafa samband við höfund á elvabjork@sjalfsmynd.com

Þann 17. janúar hefst næsta námskeið fyrir börn á aldrinum 7-10 ára hjá Klifinu Garðabæ. Skráning fer fram hér: www.klifid.is

 

 

Hrósleikir-sjálfstyrkingarleikir

Margir skemmtilegir hrósleikir/sjálfstyrkingarleikir eru til. Markmiðið með leikjunum er að styrkja sjálfsmynd barna og unglinga og efla færni þeirra í að sjá það jákvæða í öðrum.
Við hjá sjálfsmyndarsíðunni höfum sett saman fimm skemmtilegar útfærslur af hrósleikjum sem hægt er að nota með hópi barna t.d. með nemendum í bekk.

Dæmi um hrósleik:
Nemandi fær umslag sem hann merkir með nafni sínu og skreytir. Í lok hvers tíma fá nemendur miða. Kennari dregur upp nafn eins nemanda og eiga hinir að skrifa falleg orð, hrós eða hvatningu til hans á miðann. Miðunum er síðan safnað saman í umslag viðkomandi. Leikurinn getur verið í gangi út eina skólaönn og þarf kennarinn að sjá til þess að allir nemendur fái miða í sitt umslag. Nemendur geta síðan opnað umslögin sín saman og lesið upp valda miða.

Annar hrósleikur kallast Drottningaleikur eða Kóngaleikur. Sá sem verið er að hrósa á að standa upp á borði eða stól og vera drottning eða kóngur í 10 sekúndur meðan hinir nemendur hrósa viðkomandi. Gaman er síðan að skrá öll hrós á blað og gefa viðkomandi til minningar um þau fallegu orð sem bekkjarsystkinin höfðu um hann að segja.

Hrósleikir

Elva Björk Ágústsdóttir

Minnisleikur sem styrkir sjálfsmynd

Það getur verið gaman að prófa skemmtilegan minnisleik til að þjálfa jákvæða hugsun hjá börnum.

Minnisleikur sem styrkir sjálfsmynd